“Dahi Azərbaycan şairi Məhəmməd Füzulinin 530 illiyinin qeyd edilməsi haqqında” Azərbaycan Respublikası Prezidenti İlham Əliyevin Sərəncamının icrası ilə əlaqədar görkəmli şair və mütəfəkkir Məhəmməd Füzulinin həyat və yaradıcılığına dair 5 bölmədən ibarət “Məhəmməd Füzuli. Elektron kitabxana” adlı elektron layihə hazırlanıb. Elektron layihədə Məhəmməd Füzulinin həyat və yaradıcılığı haqqında məlumat, onun şair, filosof, divan janrının görkəmli nümayəndələrindən biri kimi fəaliyyətinə dair müxtəlif dillərdə olan kitab və məqalələrin elektron variantı təqdim olunur. Layihənin “Biblioqrafiya” bölməsində Məhəmməd Füzulinin əsərləri, onun haqqında yazılmış kitab və dövri mətbuat materialları, məcmuələr, avtoreferatlar toplanıb.